Yuxarı
    Bağlamaq

    Rüstəm Orucov: "Rəqibi yaxına buraxdım və ona görə də qızıl medal götürə bilmədim"

    Azərbaycan cüdoçusu Qran Pridə qızıl medal qazana bilməməsinin səbəbini açıqlayıb

    Bakı. 22 noyabr. REPORT.AZ/ “Çox güclü yarış keçdi. Bu Qran Pri olimpiyadaya 300 xal verirdi. Rəqiblərin hamısı ciddi hazırlaşıb gəlmişdilər". "Report"un məlumatına görə, bunu Çinin Tsindao şəhərindəki Qran Pridə 73 kq çəki dərəcəsində gümüş medal qazanmış Azərbaycan cüdoçusu Rüstəm Orucov deyib.

    24 yaşlı idmançı qızıl medal qazana bilməməsinin səbəbini baş məşqçi Peter Zayzenbaxerin tapşırığına əməl etməməsi ilə əlaqələndirib: "Qızıla çox yaxın idim, bir balaca səhvim oldu və ona görə məğlub oldum. Baş məşqçim mənə yaxından güləşməmək tapşırığı vermişdi. Amma bir anlıq boşaldım. Rəqibi yaxına buraxdım və ona görə də qızıl medal götürə bilmədim".

    Tsindaodakı Qran Prinin təşkilatçılığından razılıq ifadə edən Orucov hər şeyin yüksək səviyyədə olduğunu vurğulayıb. O, gələn həftə mübarizə aparacaqları Koreya Qran Prisi üçün çəkisini sabit saxlamağa çalışdığını söyləyib: "Bir həftə sonra növbəti yarışdır və orada da uğur qazanacağıma inanıram”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi