Yuxarı
    Bağlamaq

    Azərbaycan boksçusu Avropa çempionatında erməni rəqibini məğlub edib

    Qitə çempionatında ilk medal təmin olunub

    Bakı. 4 noyabr. REPORT.AZ/ Azərbaycanın boks üzrə yeniyetmələrdən ibarət milli komandası Rusiyanın Anapa şəhərində davam edən Avropa çempionatında ilk medalını təmin edib. "Report"un məlumatına görə, 80 kq-dan yuxarı çəki dərəcəsində çıxış edən Məhəmməd Abdullayev 1/4 finalda litvalı Marek Korolkovu nokautla üstələyib.

    Boks qaydalarına əsasən, yarımfinala yüksələn idmançılar avtomatik olaraq, ən azı bürünc medalı təmin edirlər.

    Milli komandanın digər boksçularına gəldikdə, Ruslan Rüstəmovun (46 kq) qələbəsi daha əlamətdar olub. Rüstəmov 1/8 finalda Ermənistan boksçusu Jirayr Sargeyana qalib gəlib – 3:0. Məlik Həsənov (48 kq), Rasim Çobanlı (70 kq) və Hacı Dilbazov (75 kq) da növbəti mərhələyə yüksəlib.

    Qeyd edək ki, Avropa çempionatına noyabrın 8-də yekun vurulacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi