Yuxarı

Azərbaycan boksçuları erməni rəqiblərini yenərək finala yüksəliblər

Yarımfinal görüşləri başa çatıb

Bakı. 23 may. REPORT.AZ/ Ukraynanın Lvov şəhərində keçirilən boks üzrə yeniyetmələr arasında Avropa birinciliyində finalçılar müəyyənləşib. "Report"un məlumatına görə, həlledici görüşə vəsiqə qazananlar arasında Azərbaycan milli komandasının 4 üzvü də var. 

Daha 2 boksçu isə yarımfinalda uduzaraq, bürünc medala sahib olub. 60 kq çəki dərəcəsində mübarizə aparan Bəxtiyar Qazıbəyov finala gedən yolda Ermənistan təmsilçisi Koryan Asteyanı yenib - 3:0. O, finalda Türkiyə idmançısı Tuğrulhan Erdemirlə qarşılaşacaq. 

80 kq-dan yuxarı çəkidə çıxış edən Məhəmməd Abdullayev də finaldadır. O, yarımfinalda Gürcüstanın erməni əsilli təmsilçisi Artyom Yordanyanı məğlub edib - 3:0. Abdullayev finalda ukraynalı Akeksandr Xristevlə üz-üzə gələcək.

Cavid Hüseynov (48 kq) da yarımfinalda qalib gəlib. Hüseynov irlandiyalı Lorkan Harleksi üztələyib - 2:1. O, qızıl medal uğrunda görüşdə ukraynalı Artyom Demyanenko ilə görüşəcək.

Niyaməddin Allahverdiyev (52 kq) isə yarımfinalda şotlandiyalı Deklin Daffı məğlub edib - 3:0. Onun finaldakı rəqibi ingiltərəli Çarli Frankam olacaq. 

Orxan Həsənov (54 kq) və Səid Məlikov (70 kq) yarımfinalda uduzaraq, bürünc medalla kifayətləniblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi