Yuxarı

Azərbaycan Avtomobil Federasiyasının nümayəndə heyəti FIA-nın illik idman konfransında iştirak edir

Tədbirin əsas mövzusu avtomobil idmanının keçmişi, bu günü və gələcəyidir

Bakı. 24 iyun. REPORT.AZ/ Azərbaycan Avtomobil Federasiyasının (AAF) nümayəndə heyəti İtaliyanın Turin şəhərinə yollanıb. 

Federasiyadan “Report”a verilən xəbərə görə, AAF rəsmiləri Beynəlxalq Avtomobil Federasiyasının (FIA) illik idman konfransında iştirak edir. 

İyunun 21-dən başlayan tədbirin əsas mövzusu avtomobil idmanının keçmişi, bu günü və gələcəyidir.

Tədbir çərçivəsində, həmçinin yerli avtomobil federasiyalarının inkişaf strategiyaları, avtomobil idmanında təhlükəsizlik, avtomobil idmanı və avtomobil sənayesinin vəhdəti mövzularında panel müzakirələri aparılır.

Bakıda keçirilmiş Formula 1 üzrə Avropa Qran Prisi də konfransın diqqət mərkəzindədir. Tədbir zamanı yarışın yüksək səviyyədə təşkil olunduğu qeyd edilib. “Formula-1” üzrə dörd qat dünya çempionu, “Ferrari” pilotu Sebastian Fettel Bakıdakı yarışın çox gözəl təşkil edildiyini vurğulayıb.

Bu gün başa çatacaq konfransda dünya avtomobil idmanı və sənayesi nümayəndələri, avtomobil federasiyaları iştirak edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi