Azad Rəhimov: Azərbaycan 2017-ci ildə 55 beynəlxalq yarışa ev sahibliyi edib"

Bakı. 25 dekabr. REPORT.AZ/ "Bu il Azərbaycan idmanı üçün əlamətdar olub. Qarşıya qoyulan tapşırıqlar layiqincə yerinə yetirilib, medalların sayı artıb". 

"Report" xəbər verir ki, bunu gənclər və idman naziri Azad Rəhimov Azərbaycan Dövlət Bədən Tərbiyəsi və İdman Akademiyasında (ADBTİA) 2017-ci ilin idman yekunlarına həsr olunmuş mərasimdə deyib. 

Nazir bildirib ki, Azərbaycan idmançıları 2017-ci ildə 234 beynəlxalq yarış, o cümlədən dünya və Avropa çempionlarında iştirak ediblər: "Respublikamızda 2019 daxili yarış təşki olunub. Azərbaycan 55 beynəlxalq yarışa ev sahibliyi edib. Yığma komandalarımız 234 beynəlxalq yarışda iştirak edib. Həmçinin milli komandalar eçün 100-dən çox təlim-məşq toplanışları olub. İl ərzində 851 medal əldə edilib. Bu yarışların içində ən mühümü IV İslam Həmrəyliyi Oyunları olub".