Avropa çempionatı: Azərbaycan cüdoçuları ilk günü üç medalla başa vurublar - YENİLƏNİB

Azərbaycan cüdoçuları Niderlandın Haaqa şəhərində keçirilən gənclərin Avropa çempionatında ilk günü üç medalla başa vurublar.

"Report"un məlumatına görə, 60 kq çəki dərəcəsində çıxış edən Nizami İmranov qızıl, 66 kq-da Aydın Rzayev gümüş medala sahib olub.

Qadınların mübarizəsində 52 kq-da Aydan Vəliyeva bürünc medal əldə edib.

Azərbaycanın iki cüdoçusu Niderlandın Haaqa şəhərində keçirilən gənclərin Avropa çempionatında finala yüksəliblər.

"Report" xəbər verir ki, 60 kq çəki dərəcəsində çıxış edən Nizami İmranov və 66 kq-da Aydın Rzayev qızıl medal uğrunda qarşılaşmaya vəsiqə qazanıblar.

İmranov həlledici görüşdə İsraildən olan Yehonatan Vekslerlə, Rzayev isə Tenqo Zirakaşvili (Gürcüstan) - Migel Qaqo (Portuqaliya) cütünün qalibi ilə güləşəcək.

Qadınların mübarizəsində 52 kq-da Aydan Vəliyeva üçüncü yer uğrunda görüşdə italiyalı Mikaela Sciacovelli ilə üz-üzə gələcək.

Bu gün tatamiyə çıxan Nicat Nağıyev (66 kq), Könül Əliyeva, Vüsalə Hacıyeva (hər ikisi 48 kq) və Fidan Əlizadə (57 kq) medal şanslarını itiriblər.