Avropa çempionatı: Azərbaycan boksçusu yarımfinala yüksəlməklə medalı təmin edib

Azərbaycan boksçusu Anaxanım İsmayılova Monteneqronun Budva şəhərində keçirilən Avropa çempionatında yarımfinala yüksəlib.

Federasiyadan "Report"a verilən məlumata görə, 50 kq çəki dərəcəsində çıxış edən idmançı 1/4 final mərhələsində Yaroslava Marinçuka (Ukrayna) 3:2 (30:27, 29:28, 30:27, 27:30, 27:30) hesabı ilə qalib gəlib.

İsmayılova yarımfinala yüksəlməklə, özü üçün ən azı bürünc medalı da təmin edib. O, növbəti döyüşündə irlandiyalı Katlin Fryerslə üz-üzə gələcək. Görüş oktyabrın 21-də olacaq.

Qeyd edək ki, 1/4 finalda yığmanın digər üzvü Şəhla Allahverdiyeva (66 kq) Yelena Yaniçiyeviçla (Serbiya) mübarizə aparacaq. Aynur Rzayeva (+81 kq) isə yarımfinalda Darya Kozoresi (Moldova) sınağa çəkəcək.