Yuxarı

Ağırlıqqaldırma üzrə Azərbaycan yığma komandalarına yeni baş məşqçilər təyin olunub

Qadınlardan ibarət yığma moldovalı mütəxəssisə tapşırılıb

Bakı. 12 iyul. REPORT.AZ/ Ağırlıqqaldırma üzrə Azərbaycan yığmalarının yeni baş məşqçiləri müəyyənləşib. "Report"un Azərbaycan Ağır Atletika Federasiyasının rəsmi saytına istinadən verdiyi məlumata görə, qurum rəhbərliyi ilə məşqçilər arasındakı yığıncaqda səsvermə yolu ilə bütün yaş qrupları üzrə yığma məşqçilər heyəti seçilib. 

Səsvermə zamanı 58 məşqçi və mütəxəssisin adı olan namizəd siyahısı təqdim edilib. Onların içərisindən ən çox səs toplayanlar müvafiq postlara seçiliblər.

Əməkdar məşqçi Maksum Xasanov səs çoxluğu ilə böyüklərdən ibarət yığma komandanın baş məşqçisi seçilib.

Kərim Kərimov gənclər, Anar Qasımov yeniyetmələr, moldovalı Nataliya Prişepa isə qadınlardan ibarət yığmaya baş məşqçi, Oktay Muxtarov isə yığma komandaların rəisi postuna təyin edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi