​"Əsrin müqaviləsi"nin 20 illik yubileyinə həsr olunmuş poçt markası çap olunub

Bakı. 23 sentyabr. REPORT.AZ/ Rabitə və Yüksək Texnologiyalar Nazirliyinin "Azərmarka" şirkəti mütəmadi olaraq müxtəlif sahələrə dair müxtəlif dizaynda hazırlanmış poçt markaları təqdim edib.

Nazirlikdən "Report"a verilən məlumata görə, şirkət növbəti olaraq Azərbaycanın müasir enerji strategiyasının həyata keçirilməsində mühüm rol oynayıb, neft hasilatı üzrə "Əsrin müqaviləsi"nin imzalanmasının 20 illik yubileyi münasibəti ilə poçt markası çap etdirib.

Belarusda çap olunan markaların tirajı 5 min ədəd, nominal dəyəri 1 manatdır.