Yaponiya və Aİ arasında hidrogen sahəsində əməkdaşlıq haqqında memorandum imzalanıb

Yaponiya və Avropa İttifaqı (Aİ) enerji tərəfdaşlığının inkişafı çərçivəsində hidrogen sahəsində əməkdaşlıq memorandumu imzalayıb.

“Report” xəbər verir ki, bu barədə Aİ-nin enerji məsələləri üzrə komissarı Kadri Simson öz tviter səhifəsində məlumat verib.

“Aİ-Yaponiya enerji tərəfdaşlığı üçün tarixi gündür: Biz nazir Yasutosi Nisimura ilə hidrogen sahəsində Əməkdaşlıq Memorandumu imzaladıq”, - o yazıb.

Komissarın sözlərinə görə, bu əməkdaşlıq innovasiyaya təkan verəcək və gələcəyin bu yanacağı üçün dünya bazarı yaratmağa kömək edəcək.