Yanvarda Ceyhan limanından 18,5 mln barel Azərbaycan nefti nəql edilib

Bakı-Tbilisi-Ceyhan (BTC) boru kəmərinin Türkiyə ərazisində istismarını həyata keçirən "Botas International Limited" (BIL) şirkəti bu ilin yanvar ayında Ceyhan terminalından 18,498 mln barel xam neft nəql edib.

“Report” xəbər verir ki, bu həcmdə xam neft 25 tankerə yüklənərək dünya bazarlarına yola salınıb.

İndiyədək isə Ceyhan limanından 3,589 mlrd barel neft 4 684 tankerə yüklənib.

Qeyd edək ki, BIL 2001-ci ildə BTC-ni Türkiyə ərazisində istismar etməklə səlahiyyətləndirilib. Ceyhan terminalında BTC xam neftinin ilk tankerə yüklənməsi 2006-cı ilin iyunun 2-də baş tutub.