Xaçmazdakı yanğından sonra kəndlər işıqsız qalıb 

Xaçmaz rayonunun 20-dən artıq kəndi elektrik enerjisiz qalıb.

"Report"un Şimal bürosu xəbər verir ki, gündüz saatlarından etibarən rayonda baş verən yanğından sonra kəndlərdə hazırda elektrik enerjisi yoxdur.

Xaçmaz Elektrik Şəbəkəsinin rəisi Ruhin Məmmədov "Report"un yerli bürosuna bildirib ki, ərazidə RTS, Əhmədoba, Nərəcan və digər xətlərdə elektrik enerjisi yoxdur.

Qeyd olunub ki, yaranmış qəza ilə əlaqədar elektrik xətti gərginlikdən ayrılıb.

Qəzanın aradan qaldırılması üçün işlər aparılır, şəbəkənin briqadaları əraziyə səfərbər olunublar və yaxın vaxtlarda işlər tamamlandıqdan sonra kəndlərin elektrik enerjisi bərpa olunacaq.