VNG: Avropa Azərbaycandan qaz idxalı ilə bağlı yeni yolları araşdırmalıdır

Azərbaycandan Avropaya qaz ixracının yeni yolları düşünülməli və araşdırılmalıdır.

"Report" xəbər verir ki, bunu "VNG Handel & Vertrieb GmbH" şirkətinin idarəedici direktoru Konstantin Herzoq von Oldenburq bu gün keçirilən Bakı Enerji Forumunun II günündə "Qaz dialoqu: Enerji böhranı zamanı qaz təchizatının rolu" mövzusunda plenar müzakirələrdə deyib.

O bildirib ki, gələcəkdə mavi qaz "yaşıl hidrogen"ə çevriləcək: "Bu istiqamətdə araşdırmalar aparılır. Bizim təbii qaz, sonra mavi hidrogen, daha sonra isə yaşıl hidrogenə ehtiyacımız yaranacaq. Artıq qaz resursları bitmək üzrədir. Bu səbəbdən Azərbaycandan da qaz ixracı üçün yeni yollarını düşünmək lazımdır".