Yuxarı
    Bağlamaq

    Venesuela OPEC-ə hasilatı 4 dəfə çox azaltmağı təklif edib

    Məsələnin mayın 24-25-də Vyanada müzakirəsi mümkündür

    Bakı. 13 may. REPORT.AZ/ Venesuela OPEC təşkilatının üzvü olan ölkələrə neft hasilatını 4 dəfə daha çox, 5 mln. barel/gün azaltmağı təklif edib. 

    "Report" "The Wall Street Journal"a istinadən xəbər verir ki, hazırda OPEC ölkələri neft hasilatını gündəlik 1,2 mln. barel azaltmağı öhdəlik kimi qəbul edib. Bu saziş OPEC-in 30 noyabr 2016-cı ildə Vyanada keçirilən sammitində imzalanıb.

    Venesuelanın qüvvədə olan sazişə əsasən neft hasilatını azaltmaq barədə öhdəliyi gündəlik 95 min barel olsa da, aprel ayında hasilatı 116 min barel/gün azaldaraq 1,956 mln. barel/günə salıb.

    Venesuelanın PVDSA dövlət neft-qaz şirkətindən bildirilib ki, rəsmi Karakasın bu təklifi hələlik OPEC tərəfindən dəstəklənməyib.

    Qeyd edək ki, "Bloomberg" agentliyinin bir qədər əvvəl yaydığı məlumata görə, OPEC üzvü olan ölkələr mayın 24-25-də Vyanada keçiriləcək növbəti sammitdə nəinki neft hasilatının azaldılması barədə anlaşmanın uzadılmasını, hətta hasilatın bir qədər radikal şəkildə azaldılmasını müzakirə edə bilər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi