Ulf Haytmüller: "Azərbaycan Avropanın enerji təhlükəsizliyinə mühüm töhfə verir"

Azərbaycan Avropanın enerji təhlükəsizliyinin təmin olunmasında mühüm rol oynayır və etibarlı tərəfdaş kimi çıxış edir.

"Report" xəbər verir ki, bunu Almaniyanın VNG AG şirkətinin İdarə Heyətinin sədri Ulf Haytmüller Bakı Enerji Həftəsinin ikinci günündə təşkil olunmuş panel müzakirələrində bildirib.

Onun sözlərinə görə, hazırkı geosiyasi şəraitdə etibarlı enerji tərəfdaşları xüsusi əhəmiyyət daşıyır: "Səmimi desəm, mövcud geosiyasi vəziyyətdə etibarlı tərəfdaşlar kifayət qədər nadir hala gəlib. Azərbaycanın enerji təhlükəsizliyinin təmin olunmasına verdiyi töhfəni yüksək qiymətləndiririk. Azərbaycanın Avropaya qaz tədarükü qitənin enerji mənbələrinin şaxələndirilməsi baxımından mühüm rol oynayır".