Üç rayonun qaz təchizatında fasilələr yaranacaq

Bu gün səhər saat 09:00-dan Biləsuvar, Ağstafa və Qax rayonlarının ərazisində qaz xətti üzərində quraşdırılmış qurğuların yeri dəyişdiriləcək, yeni qaz tənzimləyicisi quraşdırılacaq, aşkarlanan qaz sızmaları aradan qaldırılacaq.

Bu barədə “Report”a Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən məlumat verilib.

Bununla bağlı təmir işlərinin aparılmasına şərait yaradılması məqsədi ilə qeyd edilən rayonların bir hissəsində qaz təchizatında fasilələr müşahidə ediləcək.