Yuxarı

Üç magistral qaz kəmərləri sahəsində təmir aparılacaq

Bəzi ərazilərin qaz təchizatında məhdudiyyətlər olacaq

Bakı. 13 oktyabr. REPORT.AZ/ Oktyabrın 14-də saat 10:00-dan 18:00-dək Azərbaycan Dövlət Neft Şirkətinin (SOCAR) Qaz İxrac İdarəsinin Abşeron magistral qaz kəmərləri sahəsinin “Novxanı” və “Mehdiabad”, Ağdaş magistral qaz kəmərləri sahəsinin “Yevlax-1”, Astara magistral qaz kəmərləri sahəsinin “Yardımlı” və “Əngəvül” qazpaylama stansiyalarında, eləcə də bəzi ölçü qovşaqlarında cari təmir işləri aparılacaq.

“Report” SOCAR-a istinadən xəbər verir ki, təmir müddətində Abşeron rayonunun Novxanı və Mehdiabad qəsəbələrinin qaz təchizatında məhdudiyyətlər olacaq. Aparılan işlərin Yardımlı rayonu və Yevlax şəhərinin də bir hissəsinin qaz təchizatına təsir göstərməsi mümkündür.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi