Türkiyədə ilk dəfə 1300 metr dərinlikdə neft aşkarlanıb

Bakı. 10 may. REPORT.AZ/ Türkiyənin Batman əyalətinin Sason rayonunda Heybəli kəndi yaxınlığında ilk dəfə 1300 metr dərinlikdə neft aşkarlanıb.

“Report” “Ahaber”ə istinadən xəbər verir ki, kəşfiyyat işi Türkiyənin TPAO şirkəti tərəfindən aparılıb.

Məlumata görə, Heybəli kəndində axtarış-kəşfiyyat işləri iki ay əvvəl başlanılıb. Quyuya “Herent-2” adı verilib.

TPAO ərazidən gündəlik 27 min barel neft hasilatının mümkün olacağını açıqlayıb.