Türkiyə parlamenti idxal edilən qazın LNG formasında satışını dəstəkləyib

Türkiyə parlamenti ölkənin idxal etdiyi təbii qazın mayeləşdirilmiş formada satışına icazə verən qanun layihəsini qəbul edib.

“Report” xəbər verir ki, bu barədə “Sözcü” telekanalı məlumat yayıb.

Qanun layihəsi yanvarda parlamentə göndərilib.

Qeyd olunub ki, onun qəbulu Türkiyənin idxal etdiyi təbii qazın mayeləşdirilməsi üzrə müəssisələrin yaradılmasına və onun beynəlxalq qaz ticarət mərkəzinə çevrilməsi üçün qanunvericilik bazasının gücləndirilməsinə imkan verəcək.