Türkiyə I rübdə Azərbaycandan elektrik enerjisi idxalını azaldıb

Bu ilin yanvar-mart aylarında Azərbaycandan Türkiyəyə elektrik enerjisi ixracının həcmində əhəmiyyətli dərəcədə azalma qeydə alınıb.

Bu barədə “Report”a Dövlət Statistika Komitəsindən məlumat verilib.

Birinci rübdə Azərbaycandan Türkiyəyə elektrik enerjisi tədarükü 331 milyon 930,39 min kilovat/saat təşkil edib ki, bu da 2023-cü ilin müvafiq dövrü ilə müqayisədə 72,2 % azdır.

Dəyər ifadəsində Türkiyəyə elektrik enerjisi tədarükü il ərzində 89,7 % azalaraq 21 milyon 309,43 min ABŞ dolları təşkil edib.

Hesabat dövründə Azərbaycandan enerji axınının ümumi həcmində Türkiyənin payı 46,2 % təşkil edib.

Dövlət Statistika Komitəsinin məlumatına görə, 2024-cü ilin birinci rübündə Azərbaycandan 40 milyon 567,93 min ABŞ dolları (85,6 % az) dəyərində 718 milyon 122,16 min kilovat/saat (70 % az) elektrik enerjisi ixrac olunub. Eyni zamanda 4 ölkəyə tədarük həyata keçirilib: Gürcüstan, İran, Türkiyə və Rusiya. TOP 3-ə Türkiyə (2-ci yer), Gürcüstan və Rusiya daxildir.