Yuxarı
    Bağlamaq

    "Total" Rusiyadakı neft layihəsindən imtina edib

    Total şirkəti LUKoil ilə ortaq olduğu Xantı-Mansiysk bölgəsindəki neft yataqlarının işlənilməsi layihəsindən imtina edib

    Bakı. 25 iyun. REPORT.AZ/ Fransanın "Total" şirkəti Rusiyanın "LUKoil" şirkəti ilə ortaq olduğu Xantı-Mansiysk bölgəsindəki neft yataqlarının işlənilməsi layihəsindən imtina edib. "Report"un bildirdiyinə görə, bu xəbəri "Total"ın Rusiyadakı rəhbəri Jak de Buassezon açıqlayıb.

    Onun sözlərinə görə, ortaqlığa davam etmək ancaq Rusiya dövləti və şirkətlərinə qarşı tətbiq olunan sanksiyalar bitdikdən sonra mümkün ola bilər.

    "LUKoil" şirkətinin prezidenti Vahid Ələkbərov "Kommersant" qəzetinə müsahibəsində bildirib ki, onun şirkəti fransız ortağına yatağın işlənilməsi üçün alınmasına sərf edilən 3 lisenziyanın haqqını kompensasiya etməyə hazırdır.

    Daha öncə "Total" rusiyalı tərəfdaşı ilə ortaq olduğu "Ştokmanov" qaz yatağının işlənilməsi layihəsindən (payı 25%) çıxıb. Qeyd edək ki, Barents dənizində yerləşən bu qaz yatağının ehtiyatları 3,8 trln. kubmetr qaz və 37 mln. ton qaz kondensatı həcmində qiymətləndirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi