Tina Sersen: “Azərbaycanla enerji əməkdaşlığının gücləndirilməsini səbirsizliklə gözləyirik”

Sloveniya Azərbaycanla enerji sahəsində əməkdaşlığın gücləndirilməsini səbirsizliklə gözləyir.

“Report” xəbər verir ki, bunu Sloveniya Respublikası ətraf mühit, iqlim və energetika nazirinin müavini Tina Sersen bu gün keçirilən Bakı Enerji Forumunun I günündə "Enerji təhlükəsizliyi və dayanıqlılığa dair beynəlxalq əməkdaşlıq" mövzusunda plenar müzakirələrdə deyib.

“Azərbaycan təkcə Avropa İttifaqının deyil, Sloveniyanın da mühüm tərəfdaşıdır. Aİ-də istehlak edilən təbii qazın 1 %-i Sloveniyanın payına düşür. Rusiya qazından asılıyıq, lakin yeni reallıqda məqsədimiz yeni tərəfdaşlar tapmaq və qaz təchizatı mənbələrini şaxələndirməkdir”, - o vurğulayıb.

Nazir müavini Azərbaycanla uğurlu əməkdaşlığın Sloveniyanın enerji təhlükəsizliyini gücləndirəcəyinə əminliyini ifadə edib.