Suriyada neft sektorunun itkiləri hesablanıb

Bakı. 27 oktyabr. REPORT.AZ/ İlkin hesablamalara görə, müharibə müddətində Suriyanın neft sektorunun itkiləri 68 mlrd. dollara çatıb.

“Report” xəbər verir ki, bunu ölkənin neft və mineral ehtiyatlar naziri Əli Qanem RİA "Novosti” agentliyinə bildirib.

Nazir bu rəqəmin artacağını da istisna etməyib.

Ə.Qanem həmçinin bildirib ki, ölkədə neft-qaz infrastruktunun bərpası məqsədi ilə texniki planın hazırlanmasına başlanılır.

Nazir qeyd edib ki, ordunun azad etdiyi ərazilərdəki bütün yataqlar bərpa olunacaq: “Hərbi məsələlər ordudan asılıdır və yaxın müddətdə Suriyanın bütün yataqlarının qaytarıldığı xəbərini eşidəcəyik”.