Yuxarı

​"Statoil" TAP-dakı payını satır

SOCAR isə Statoilin payını almaq üçün artıq bir neçə şirkətin müraciət etdiyini açıqlayıb

Bakı. 20 iyul. REPORT.AZ/ Norveçin "Statoil" şirkəti Trans-Adriatik Boru Xətti (TAP) layihəsindəki 20%-lik payını satır. "Report" xəbər verir ki, bu barədə "Reuters" agentliyi məlumat yayıb.

Məlumata görə, "Statoil" bununla bağlı Azərbaycan Dövlət Neft Şirkətinə (SOCAR) müraciət edib.

SOCAR isə "Statoil"in payını almaq üçün artıq bir neçə şirkətin müraciət etdiyini açıqlayıb.

"Statoil" şirkəti məsələ ilə bağlı açıqlama verməkdən imtina edib.

Xatırladaq ki, iyulun 9-da Azərbaycan Prezidenti İlham Əliyevin İtaliyaya səfəri zamanı bu ölkənin "Snam" şirkəti də TAP-da pay almaq istədiyini açıqlamışdı.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi