Yuxarı
    Bağlamaq

    “SOCAR Ukraine” qaz satışı üçün lisenziya alıb

    Bu barədə qərarı Ukraynada enerji və kommunal xidmətlər üzrə tənzimlənməni həyata keçirən Milli Komissiya qəbul edib

    Bakı. 29 iyun. REPORT.AZ/ Ukraynada enerji və kommunal xidmətlər üzrə tənzimlənməni həyata keçirən Milli Komissiya Azərbaycan Dövlət Neft Şirkətinin (SOCAR) törəmə şirkəti olan “SOCAR Ukraine” Ticarət Evinə ölkə ərazisində təbii qazın ticarəti üçün lisenziya verib.

    “Report” “OilNews”a istinadən xəbər verir ki, bu barədə qərar Komissiyanın bu gün keçirilmiş iclasında qəbul edilib.

    Qeyd edək ki, iyulun 1-dən qüvvəyə minəcək qanuna əsasən, “Ukrtransgas” Milli Komissiyanın lisenziyası olmayan şirkətlərin qaz nəqli üçün ərizəsini qəbul edə bilməyəcək. Hazırda 239 şirkətin belə lisenziyası var.

    Bu gün “SOCAR Ukraine” ilə yanaşı “Gastron Ukraine” şirkəti də ölkədə qaz satmağa lisenziya alıb.

    Xatırladaq ki, bundan əvvəl “SOCAR Ukraine” “Ukrtransgas” şirkəti ilə 2017-ci ilin yanvarından dekabrına kimi 180 mln. kubmetr təbii qazın nəqli ilə bağlı müqavilə imzalayıb.

    2016-cı il dekabrın 30-da isə “SOCAR Ukraine” 131 mln. kubmetrə qədər qazın alışı ilə bağlı “Eru Trading” şirkəti ilə saziş bağlayıb. 

    SOCAR-ın Ukraynada nümayəndəliyi 2008-ci ildə açılıb. Hazırda şirkətin Ukraynada 60 yanacaqdoldurma məntəqəsi var.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi