Yuxarı
    Bağlamaq

    SOCAR: Qəza zamanı ölüm hadisəsi baş verməyib - ƏLAVƏ OLUNUB

    © Report

    İlk xəbər saat 10:41-də verilib

    Bakı. 3 noyabr. REPORT.AZ/ Azərbaycan Dövlət Neft Şirkətinin (SOCAR) Kompleks Qazma İşləri Trestinin 490 saylı quyusunda istehsalat qəzası baş verib. Hadisə zamanı 2 nəfər qazma köməkçisi iş prosesində xəsarət alıb, ölüm hadisəsi olmayıb.

    Bu barədə “Report”a SOCAR-ın mətbuat xidmətinin rəhbəri Nizaməddin Quliyev bu gün KİV-də Qaradağ rayonu ərazisində yerləşən “Azneft” İstehsalat Birliyinin buruğunda ölüm hadisəsi ilə nəticələnən faciə ilə bağlı yayılan məlumatı şərh edərkən bildirib.

    N.Quliyev bildirib ki, yaralılar təcili xəstəxanaya çatdırılıblar: "Onlardan biri artıq ambulator müalicə alır, digərinin müayinəsi davam edir".

    ***

    SOCAR-ın Kompleks Qazma İşləri Trestinin 490 saylı quyusunda baş vermiş istehsalat qəzası zamanı xəsarət alımış neftçilərin adları açıqlanıb. Bunlar Trestin “Qaradağ-Qalmaz” İstehsalat Bölümünün qazmaçı köməkçiləri 1965-ci il təvəllüdlü Gözəlov Fikrət Alıkişi oğluna və 1964-cü il təvəllüdlü Ədilov Cavad Əlibala oğludur. 

    Quyuda qazma prosesi zamanı qəbul meydançasından köməkçi bucurqad vasitəsilə yuxarı işçi meydançaya qaldırılan borulardan biri yırğalanıb və onlar xəsarət alıblar. Hazırda neftçilərin vəziyyəti qənaətbəxşdir. Onlar xəstəxanada müalicə alırlar. 

    Hadisənin baş vermə səbəbləri araşdırılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi