​SOCAR "Petkim"dəki səhm zərfini yenidən satışa çıxarır

​SOCAR "Petkim"dəki səhm zərfini yenidən satışa çıxarır İyunun 8-də satılmasını ləğv etdiyimiz hissələrinin satışı üçün İstanbul Birjasına müraciət olunacaq
Energetika
156
24 İyun , 2015 12:00
​SOCAR Petkimdəki səhm zərfini yenidən satışa çıxarır

Bakı. 24 iyun. REPORT.AZ/ Azərbaycan Dövlət Neft Şirkəti (SOCAR) Türkiyədəki aktivi olan "Petkim Holding"in səhmlərinin bir hissəsini satmaq qərarına gəlib. "Report"un Türkiyə mediasına istinadən verdiyi xəbərə görə, SOCAR artıq bununla bağlı yaxın günlərdə İstanbul Birjasına müraciət edəcək.

"İyunun 26-da yaxud sonrakı günlərdə əsas pay sahibi olduğumuz "Petkim" Petrokimya Holdinqinin iyunun 8-də satılmasını ləğv etdiyimiz hissələrinin satışı üçün İstanbul Birjasına müraciət edəcəyik", - deyə "SOCAR Energy Turkey"in açıqlamasında bildirilir.

Qeyd edək ki, SOCAR-ın "Petkim"də payı 61,32%-dir. Şirkətin potensial investora satmaq istədiyi 1,6%-lik pay 16 mln. səhm, onun nominal üzrə ümumi dəyəri 16 mln. lirə (TRY) təşkil edir. Satışa çıxarılan səhm paketinin hər səhm 4 lirə olmaqla 64 mln. lirəyə satılması planlaşdırılırdı. İyun 7-də Türkiyədə keçirilən parlament seçkilərinin ilkin nəticələri fonunda ölkədə dolların məzənnəsi 7% artıb.

Son xəbərlər

Orphus sistemi