Yuxarı
    Bağlamaq

    SOCAR ötən il Supsa limanından 2,4 mln. ton neft ixrac edib

    Ötən il ərzində Supsa limanından ixrac olunan xam neftin 171 min tonu dekabr ayının payına düşüb

    Bakı. 5 yanvar. REPORT.AZ/ Azərbaycan Dövlət Neft Şirkəti (SOCAR) 2016-cı il ərzində Supsa limanından (Qara dəniz, Gürcüstan) 2 383 854 ton xam neft ixrac edib.

    “Report” SOCAR-a istinadən xəbər verir ki, bu göstərici 2015-ci ildən 14,7% azdır.

    Ötən il ərzində Supsa limanından ixrac olunan xam neftin 170 965 tonu dekabr ayının payına düşüb ki, bu da 2015-ci ilin dekabr ayından 32,5% azdır.

    Qeyd edək ki, SOCAR tərəfindən ixrac olunmuş xam neft göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir. Xam neft Supsa limanına Bakı-Supsa kəməri adlandırılan Qərb İxrac Boru Kəməri vasitəsilə nəql olunur. Bu boru kəməri ilə Xəzərin Azərbaycan sektorundakı “Azəri-Çıraq-Günəşli” yataqlar blokundan çıxarılan neftin bir hissəsi dünya bazarına daşınır. Kəmər 1999-cu il aprelin 17-də istifadəyə verilib, illik ötürücülük qabiliyyəti 7 mln. tondur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi