SOCAR ötən il 104 min metrdən çox qazma işi həyata keçirib

Bakı. 6 yanvar. REPORT.AZ/ Azərbaycan Dövlət Neft Şirkəti (SOCAR) tərəfindən (müştərək müəssisələr və əməliyyat şirkətləri istisna olmaqla) 2015-ci il ərzində 104 411 metr qazma işi görülüb.

"Report" SOCAR-a istinadən xəbər verir ki, ötən il görülən qazma işləri 2014-cü ildəkindən 18% az olub.

Ötən il aparılan qazma işlərinin 103 411 metri istismara, qalanı isə kəşfiyyata aid olub. 2015-ci il ərzində görülən qazma işlərinin 6 686 metri dekabr ayı ərzində həyata keçirilib. Dekabrda görülmüş işlərin hamısı istismara aid olub. Ötən ilin dekabr ayında görülmüş qazma işləri əvvəlki ilin dekabr ayından 21% az olub.

Ötən ay ərzində qazmadan alınmış 10, 2015-ci il ərzində isə 73 yeni quyu tikinti işləri başa çatdırılaraq mədənçilərə təhvil verilib.