Yuxarı

"SOCAR Methanol" bu il istehsalını artırmaq niyyətindədir

"SOCAR Methanol" bu il istehsalını artırmaq niyyətindədir
© Report/ Firi Salim — "SOCAR Methanol" MMC-nin baş direktoru Elnur Mustafayev

Bakı. 25 aprel. REPORT.AZ/ Azərbaycan Dövlət Neft Şirkətinin törəmə şirkəti "SOCAR Methanol" MMC bu il metanol zavodunda 350 min ton məhsul istehsal etməyi proqnozlaşdırır.

"Report" xəbər verir ki, bunu "SOCAR Methanol" MMC-nin baş direktoru Elnur Mustafayev Bakı Ali Neft Məktəbinin təşkilatçılığı ilə Bakıda keçirilən "Xəzərin və Mərkəzi Asiyanın neft emalı və neft-kimyası-layihələrin həyata keçirilməsi və texniki həllər" adlı konfransda bildirib.

O xatırladıb ki, 2017-ci ildə 265 min ton metanol istehsal olunub ki, bu da plandan 6% çoxdur: "2018-ci ildə 350 min ton, 2019-cu ildə 500 min ton metanol istehsalı proqnozlaşdırılır".

Onun sözlərinə görə, hazırda analitik və texniki metanol istehsal olunur: "Məhsulun ixracı SOCAR-in Marketinq və iqtisadi əməliyyatlar İdarəsi tərəfindən həyata keçirilir. İxrac əsasən SOCAR-ın Kulevi neft terminalından (Qara dəniz, Gürcüstan) bazarlara çıxarılır. Məhsullar Türkiyə, Sloveniya, Çexiya, Belçika, İsrail və Braziliyaya ixrac olunub". 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi