SOCAR İsveçrədə ilk hidrogen yanacaqdoldurma məntəqəsinin inşasına başlayıb

Azərbaycan Dövlət Neft Şirkətinin İsveçrədəki törəməsi olan “SOCAR Energy Switzerland” şirkəti avtomobil yolunun üzərində Bern şəhərinin yaxınlığındakı “Grauholz Süd” yanacaqdoldurma məntəqəsində ilk hidrogen yanacaqdoldurma məntəqəsini inşa edir.

Bu barədə “Report” “SOCAR Energy Switzerland” şirkətinə istinadən xəbər verir.

Məlumata görə, bununla da SOCAR dayanıqlı mobilliyi təmin edilməsi üçün ümumölkə hidrogen yanacaqdoldurma stansiyaları şəbəkəsinə mühüm töhfə verir. Tikinti işlərinə artıq başlanılıb. Hidrogen yanacaqdoldurma məntəqəsinin may ayının sonunadək istismara hazır olacağı gözlənilir.

“SOCAR Energy Switzerland” şirkətinin baş direktoru Edqar Baxmannın sözlərinə görə, SOCAR-ın “Grauholz Süd” hidrogen yanacaqdoldurma məntəqəsi İsveçrə avtomobil yolunda ilk və SOCAR tərəfindən idarə olunacaq ilk belə yanacaqdoldurma məntəqəsi olacaq: “Gələcəkdə “Grauholz Süd” hidrogen yanacaqdoldurma məntəqəsi İsveçrə yol nəqliyyatının hidrogenlə tədarükü üçün təməl daşı təşkil edəcək.

O bildirib ki, hidrogen texnologiyası yol hərəkətində karbon (CO2) emissiyalarını davamlı şəkildə azaltmaq üçün ideal şərait təklif edir: “İsveçrədə ilk SOCAR hidrogen yanacaqdoldurma stansiyasının tətbiqi ilə biz davamlı mobilliyə mühüm töhfə veririk və bununla da enerji keçidinə töhfə veririk”.

Gözlənilir ki, Bern şəhərindən Sürixə gedən avtomobil yolunda yerləşən “Grauholz Süd” yanacaqdoldurma məntəqəsinin may ayının sonundan etibarən müvafiq olaraq 700 bar və 350 bar olan avtomobillər və yük maşınları üçün bir hidrogen stansiyasının işləyəcəyi gözlənilir. Gündəlik çatdırılma miqdarı isə 600 kiloqrama qədər hidrogen olacaq.

Bu YDM-də SOCAR yalnız "yaşıl hidrogen" satacaq. Artıq bu YDM-in yenidən təchiz edilməsi işlərinə başlanılıb. Hidrogen YDM-inin açılış mərasimi iyun ayına planlaşdırılır.