SOCAR istehsal etdiyi məhsulların xaricə ixracını 25 % artırıb

Azərbaycan Dövlət Neft Şirkətinin (SOCAR) Azərbaycandakı emal kompleksində 1,4 mln tondan çox neft, 1,1 mlrd kubmetrdən çox təbii qaz emal olunub.

“Report” xəbər verir ki, bu barədə SOCAR-ın 2021-ci ilin I rübündə qazma, hasilat, emal və ixrac göstəriciləri ilə bağlı açıqladığı rəqəmlərdə deyilir.

Məlumata görə, rüb ərzində SOCAR-ın Azərbaycandakı müəssisələrində istehsal olunmuş 669 min tona yaxın neft, neft-kimya və qaz-kimya məhsulu xarici ölkələrə ixrac edilib.

Ötən ilin müvafiq dövrü ilə müqayisədə 25% artım əldə edilib ki, buna da əsasən dizel, bitum, koks, sürtkü yağları və neft-kimya məhsullarının ixracı hesabına nail olunub.