Yuxarı
    Bağlamaq

    SOCAR-ın Türkiyədəki neft emalı zavodunda işlərin yarısı tamamlanıb

    Star zavodunun avadanlıqlarını daşıyan ilk gəmi yüklərini boşaldıb

    Bakı. 21 dekabr. REPORT.AZ/ Türkiyənin İzmir şəhəri yaxınlığında, Petkim yarımadasında inşa olunan Azərbaycan Dövlət Neft Şirkətinin (SOCAR) "Star" neft emalı zavodunda işlərin 48%-i görülüb. "Report" xəbər verir ki, bunu SOCAR-ın Türkiyədəki törəmə müəssisəsi olan "SOCAR Turkey" şirkətinin baş icraçı direktoru Kənan Yavuz bildirib.

    O qeyd edib ki, "Star" zavodunun avadanlıqlarını daşıyan ilk gəmi limana yüklərini boşaldıb.

    K.Yavuz artıq avadanlıqların montajına başlandığını bildirib: "Real sektorda son 40 ilin ən böyük sərmayəsi olan zavod 2018-ci ildə istehsala başlayacaq".

    Qeyd edək ki, SOCAR 2008-ci ildə "Petkim Holding"in özəlləşdirilməsilə Türkiyədə fəaliyyətə başlayıb və burada "SOCAR Turkey" adı ilə fəaliyyət göstərir.

    "Star" neft emalı zavodunun təməli 2011-ci il oktyabrın 25-də Azərbaycan və Türkiyə prezidentləri İlham Əliyev və Rəcəb Tayyib Ərdoğan tərəfindən qoyulub. Zavodda ildə 10 mln. ton xam neft emalı nəzərdə tutulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi