Yuxarı
    Bağlamaq

    SOCAR-ın Təlim, Tədris və Sertifikatlaşdırma İdarəsində Fransanın Bureau Veritas sertifikatlaşdırma qurumu ilə görüş keçirilib

    Görüşdə idarənin rəisi Fuad Süleymanov və qurumun regional meneceri Deniz Öztürk iştirak edib

    Bakı. 4 avqust. REPORT.AZ/ Azərbaycan Dövlət Neft Şirkətinin (SOCAR) Təlim, Tədris və Sertifikatlaşdırma İdarəsində (TTSİ) Fransanın Bureau Veritas sertifikatlaşdırma qurumunun regional meneceri Deniz Öztürk ilə görüş keçirilib.

    “Report” SOCAR-a istinadən xəbər verir ki, görüşdə TTSİ-nin rəisi Fuad Süleymanov SOCAR-ın müəssisələrində fəaliyyətin beynəlxalq standartların tələbləri səviyyəsində təmin edilməsi və sertifikatlaşdırma işləri haqqında məlumat verib, İSO 9001-Keyfiyyət idarəetmə sistemi, OHSAS 18001-Əməyin mühafizəsi və təhlükəsizlik texnikası, İSO 14001-Ətraf mühitin mühafizəsi, İSO/İEC 17024-Personal sertifikatlaşdırmanı həyata keçirən müəssisələr üçün ümumi kriteriyalar, İSO/İEC 17025-Sınaq və kalibrasiya laboratoriyalarının bacarıqlılığı üçün ümumi şərtlər, İSO 9606-Qaynaqçıların bacarıqlılıq sınağı üzrə standartların qazanıldığını qeyd edib.

    F.Süleymanov, həmçinin İdarənin fəaliyyətinin nəticələrinə görə Fransanın Bureau Veritas sertifikatlaşdırma qurumunun İSO 29990-Qeyri-formal təlim xidmətləri üzrə akkreditasiyasına, Böyük Britaniyanın Sağlamlıq və Əməyin Təhlükəsizliyi İnstitutunun (İOSH) Təhlükəsiz idarəetmə (Managing safely) təlim kursu üzrə təlim provayderi lisenziyasına, OPİTO-nun BOSİET/HUET təlim kursu üzrə standartına layiq görülməsini İdarənin beynəlxalq standartlaşdırma və akkreditasiya qurumları ilə sıx əməkdaşlığının uğurlu nəticələri kimi qiymətləndirib.

    D.Öztürk isə təmsil etdiyi qurumun standartların tətbiqi və sertifikatlaşdırma sahəsində yerinə yetirdiyi çoxsaylı xidmətlərin neft-qaz və neft-kimya sənayesində aktuallığına toxunub. TTSİ-nin qaynaq mərkəzinin potensialından istifadə edilməklə Bureau Veritas sertifikatlaşdırma qurumu tərəfindən qaynaq mühəndisliyi sahəsində təlim kursunun keçirilməsinin mümkünlüyü qeyd edilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi