Yuxarı
    Bağlamaq

    SOCAR-ın Qobustan Regional Təlim Mərkəzində 54 nəfər təlimlərə başlayıb

    Təlim-tədris prosesinə qoşulan gənclərdən 23 nəfəri ali təhsilli, 5 nəfəri orta-ixtisas təhsilli, 3 nəfəri isə peşə təhsillidir

    Bakı. 4 aprel. REPORT.AZ/ Bu gün Azərbaycan Dövlət Neft Şirkətinin (SOCAR) Təlim, Tədris və Sertifikatlaşdırma İdarəsinin Qobustan Regional Təlim Mərkəzində "BP Exploration (Caspian Sea) Ltd." şirkətinin Davamlı İnkişaf Təşəbbüsləri layihəsi çərçivəsində Qaradağ rayon sakini olan 54 nəfər gənc təlimə başlayıb.

    "Report" SOCAR-a istinadən xəbər verir ki, ilk dərs günü münasibətilə təşkil olunmuş tədbirdə SOCAR-ın kadr, rejim və informasiya texnologiyaları üzrə vitse-prezidentinin müavini Asif Şəfəqqətov, TTSİ-nin rəisi Fuad Süleymanov, İnsan Resursları Departamenti təlim və inkişaf şöbəsinin rəisi Tural Məmmədov, "BP Exploration" şirkətinin sosial sərmayələr və icmalarla əlaqələr üzrə meneceri Elçin Haqverdiyev və digər məsul şəxslər iştirak ediblər. 

    Çıxış edənlər QRTM-nin müasir tədris infrastrukturuna və resurslarına malik olduğunu vurğulamaqla bərabər 10 ay müddətində fəhlə kadrların hazırlanması proqramı daxilində 3 ixtisas üzrə 5 qrupda təhsil alacaq 54 dinləyicini təbrik edib, onlar üçün yaradılmış imkanı yüksək qiymətləndiriblər. Bildirilib ki, təlim-tədris prosesinə qoşulan gənclərdən 23 nəfəri ali təhsilli, 5 nəfəri orta-ixtisas təhsilli, 3 nəfəri isə peşə təhsillidir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi