Yuxarı
    Bağlamaq

    ​SOCAR-ın nümayəndə heyəti Türkiyədə səfərdə olub

    Nümayəndə heyəti “Tekfen” şirkətinin rəhbərliyi ilə görüşüb, şirkətin istehsalat obyektləri, mühəndislik və tikinti bölmələri ilə tanış olub

    Bakı. 13 noyabr. REPORT.AZ/ Azərbaycan Dövlət Neft Şirkətinin (SOCAR) strateji inkişaf üzrə vitse-prezidenti Tofiq Qəhrəmanovun rəhbərlik etdiyi nümayəndə heyəti “Tekfen” şirkətinin dəvəti ilə Türkiyənin İstanbul və İzmit şəhərlərində səfərdə olub.

    "Report"un SOCAR-a istinadən verdiyi məlumata görə, səfər zamanı SOCAR-ın Neft-qaz emalı və neft-kimya Kompleksini (NQNK) təmsil edən nümayəndə heyəti “Tekfen” şirkətinin rəhbərliyi ilə görüş və müzakirələr aparıb, həmin şirkətin fəaliyyəti, istehsalat obyektləri, mühəndislik və tikinti bölmələri ilə tanış olub.

    SOCAR nümayəndələri “Tekfen”in podratçı olduğu İzmit Neft Emalı Zavodunda aparılan və hazırda yekunlaşmaqda olan modernizasiya işləri ilə tanış olmaq məqsədilə tikinti sahəsinə də baş çəkiblər. Nümayəndə heyəti üzvlərinə müəssisədə görülən işlər barədə ətraflı məlumat verilib, tərəflər arasında mümkün əməkdaşlıq barədə fikir mübadiləsi aparılıb. Qeyd olunub ki, Türkiyədə inşa edilən və ya yenidənqurma işləri aparılan neft-qaz emalı və neft-kimya layihələri ilə tanışlıq və bu ölkədən olan tərəfdaşlarla aparılan müzakirələr ARDNŞ tərəfindən reallaşdırılan NQNK layihəsinin uğurla həyata keçirilməsi işinə böyük töhfə verəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi