SOCAR-ın Gürcüstandakı ikinci YDM-də günəş enerjisindən istifadəyə başlanılıb

Azərbaycan Dövlət Neft Şirkətinin (SOCAR) Gürcüstandakı artıq ikinci yanacaqdoldurma məntəqəsində (YDM) günəş enerjisindən istifadəyə başlanılıb.

“Report”un yerli bürosu xəbər verir ki, bu barədə “SOCAR Georgia Petroleum” şirkəti məlumat yayıb.

Bildirilib ki, Tbilisi dənizi yaxınlığında yerləşən YDM üzərində Almaniyanın “Sonneschmied” şirkəti 200 kvadrat metr ölçüdə günəş panelləri quraşdırıb.

Şirkət gələcəkdə günəş batareyaları vasitəsilə elektrik avtomobillərinin sürətlə yüklənəcəyi mərkəzlərin yaradılmasını planlaşdırır.

Qeyd edək ki, bundan öncə günəş panelləri SOCAR-ın Tbilisidəki Aqmaşenebeli alleyasındakı YDM-də quraşdırılıb.