SOCAR II rübdə 4,2 milyon ton neft ixrac edib

Bu ilin ikinci rübündə Azərbaycan Dövlət Neft Şirkətinin (SOCAR) xarici bazarlara 4,197 milyon ton xam neft ixrac edib.

“Report”un məlumatına görə, bu barədə SOCAR-ın bu ilin II rübündə həyata keçirdiyi qazma, hasilat, emal və ixrac göstəriciləri ilə bağlı yaydığı hesabatda deyilir.

Bildirilir ki, bu, 2020-ci ilin iki rübünün nəticələri ilə müqayisədə 16,7 % azdır.

Bu həcm şirkətin öz imkanları ilə hasil etdiyi neftdən əlavə beynəlxalq konsorsiumlar çərçivəsində SOCAR və Azərbaycanın payına düşən nefti də əhatə edir.