Bakı. 24 noyabr. REPORT.AZ/ Noyabrın 26-da Tbilisidə (Gürcüstan) XVI "Business Ratings Award Ceremony" keçiriləcək. "Report"un Gürcüstan mediasına istinadən verdiyi məlumata görə, tədbirin əsas sponsorlarından biri Azərbaycan Dövlət Neft Şirkətinin (SOCAR) törəmə qurumu olan "SOCAR Energy Georgia" şirkəti olacaq.
Mükafatlandırma mərasimində Gürcüstan Maliyyə Nazirliyinin Gəlirlər İdarəsi tərəfindən siyahısı təqdim edilən illik büdcə ödənişləri 1 mln. laridən artıq olan şirkətlər iştirak edir. Jurnalistlər, iqtisadçılar, ekspertlər, QHT nümayəndələri bu şirkətlər arasında 60 uğurlu şirkəti seçiblər və onlardan yalnız 30-u ən yaxşı biznes nominasiyası üzrə qalib olacaq.