Bakı. 29 oktyabr. REPORT.AZ/ Gürcüstan qaz bazarı açıq bazardır və Azərbaycan Dövlət Neft Şirkəti (SOCAR) burada digər mənbələrdən gətirilən alternativ qazın satılmasına etiraz etmir. "Report" xəbər verir ki, bunu SOCAR-ın prezidenti Rövnəq Abdullayev bildirib:
"İş adamları Gürcüstana alternativ qaz gətirməyə çalışırlar. Bizim heç bir etirazımız yoxdur. Bura açıq bazardır və bu bazarda rəqabətqabiliyyətli qaz gətirib sata bilənlər iştirak edə bilərlər".
R.Abdullayev bildirib ki, gələn il Gürcüstana ötürülən Azərbaycan qazının həcmi builki səviyyədə qala bilər, lakin onun artırılması da mümkündür.