Bakı. 2 oktyabr. REPORT.AZ/ Azərbaycan Dövlət Neft Şirkətinin (SOCAR) Marketinq və İqtisadi Əməliyyatlar İdarəsi bu ilin sentyabr ayında 37 646 ton dizel yanacağı ixrac edib.
“Report” SOCAR-a istinadən xəbər verir ki, ötən ay 7 528 ton təyyarə yanacağı, 890 ton mütləqləşdirilmiş izopropil spirti, 112 ton maye piroliz qətranı, 596 ton propilen və 598 ton butilen butadien fraksiyası ixrac edilib.
Ümumilikdə, yanvar-sentyabr ayları ərzində 401 158 ton dizel yanacağı, 33 582 ton təyyarə yanacağı, 236 ton soba mazutu, 56 265 ton yüksək təzyiqli polietilen, 9 107 ton mütləqləşdirilmiş izopropil spirti, 46 985 ton maye piroliz qətranı, 29 249 ton propilen və 21 616 ton butilen butadien fraksiyası ixrac edilib.
2017-ci ilin sentyabr ayında dünya bazarında etilləşdirilmiş benzinin qiyməti 575,01 ABŞ dolları/ton, təyyarə yanacağı - 539,99 dollar/ton, dizel yanacağı - 505,99 dollar/ton, 1%-li kükürdlü mazut - 317,18 dollar/ton, yüksək təzyiqli polietilen - 1 219 dollar/ton, butilen butadien fraksiyası - 628,77 dollar/ton, maye piroliz qətranı - 575,01 dollar/ton, propilen - 830 avro/ton, mütləqləşdirilmiş izopropil spirtinin qiyməti isə 1 450 avro/ton təşkil edib.
Sentyabr ayında dünya bazarında “Brent” tipli xam neftin 1 bareli 56,05 dollara, “Urals” nefti 54,17 dollara, “BTC FOB Ceyhan” tipli xam neft isə 57,05 dollara satılıb.