Yuxarı
    Bağlamaq

    SOCAR-a Odessanın mərkəzində yanacaqdoldurma məntəqəsinin inşası üçün icazə verilib

    Səsvermədə 44 millət vəkili layihənin lehinə səs verib

    Bakı. 16 mart. REPORT.AZ/ Odessa Şəhər Şurası Azərbaycan Dövlət Neft Şirkətinə (SOCAR) şəhərin mərkəzində, İncəsənət Muzeyinin yanında yanacaqdoldurma məntəqəsinin inşası üçün razılıq verib.

    "Report" Ukrayna KİV-inə istinadən xəbər verir ki, bu razılıq Şəhər Şurasının bu gün keçirilən iclasında verilib.

    Deputatlardan biri çıxış edərək, layihənin qəbuluna qarşı olduğunu bildirsə də, ancaq şəhər icra başçısının müavini Vyaçeslav Şandrık deyib ki, obyektin strukturu tam olaraq mövcud qanunvericiliyə uyğundur.

    Şəhər rəhbəri Gennadi Truxanov isə qeyd edib ki, obyektin tikintisi şəhərə ziyan vurmur.

    Yanacaqdoldurma məntəqəsinin tikintisinə razılıq verilməsi ilə əlaqədar keçirilən səsvermədə 57 millət vəkilindən 44-ü lehinə, 6-sı əleyhinə səs verib, digərləri isə səsvermədə iştirak etməyiblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi