Yuxarı

SOCAR-a iş üçün 142 min nəfər müraciət edib

Vakansiyalar üzrə 3,1 min nəfər işə qəbul olunub, daha 1,3 min nəfər ehtiyat siyahıya əlavə edilib

Bakı. 4 iyun. REPORT.AZ/ Azərbaycan Dövlət Neft Şirkəti (SOCAR) tərəfindən 2011-2015-ci illər ərzində 3 244 vakansiya elan edilib və bu vakansiyalar üzrə 3 063 nəfər işə qəbul olunub. "Report" xəbr verir ki, bunu SOCAR-ın vitse-prezidenti Xalik Məmmədov deyib. 

X.Məmmədovun sözlərinə görə, vakansiyalar üzrə 141 596 müraciət qeydə alınıb: "İş üçün müraciət edənlərin 35 852 nəfəri test imtahanlarında iştirak edib. Onlardan 4 564-ü müsahibələrdə, 6 114 nəfər isə peşə hazırlığı sınağı imtahanlarında iştirak edib. İmtahanlarda iştirak edən 1 295 nəfər ehtiyat siyahıya əlavə edilib".

X.Məmmədov SOCAR-ın 2006-cı ildən təqaüd proqramına başladığını və bu vaxta qədər proqram çərçivəsində 250 nəfərin xarici ölkələrdə təhsil aldığını deyib: "Onlardan 205 nəfər artıq məzundur, 45 nəfər isə hazırda təhsil alır. Daxili təqaüd proqramına müraciət edənlərin sayı 11 215 nəfər olub ki, onlardan 952 nəfəri təqaüd qazanıb".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi