Yuxarı

​SOCAR 50 nəfəri işə götürüb

Şirkətdəki 1 vakant iş yerinə 100-ə yaxın insan namizədliyini irəli sürüb

Bakı. 1 iyul. REPORT.AZ/ Cari ilin iyun ayında Azərbaycan Dövlət Neft Şirkətinin (SOCAR) rəsmi internet səhifəsində (www.socar.az) müxtəlif vəzifə və peşələr üzrə 76 adda vakansiya elan olunub, həmin vakansiyalar üzrə 7 305 nəfər müraciət edib. SOCAR-dan "Report"a verilən məlumata görə, elektron qaydada müraciət etmiş şəxslərdən 812 nəfəri test imtahanına dəvət olunub, növbəti mərhələlərə 318 nəfər keçib, onlardan 79 nəfəri peşə sınaq imtahanında, 239 nəfəri isə müsahibədə iştirak edib.

Bütün müsabiqə mərhələlərindən müvəffəqiyyətlə keçən 50 nəfər SOCAR-ın strukturlarında işə qəbul olunub. Müsabiqənin bütün mərhələləri obyektivlik və şəffaflıq tam təmin olunmaqla elektron qaydada, videoçəkiliş vasitəsilə qeydə alınmaqla həyata keçirilib. Namizədlər yekun nəticə ilə “Karyera” panelinin “İşə qəbul” bölümünün “Müsabiqə nəticələri” hissəsində də tanış ola bilərlər.

Qeyd edək ki, SOCAR-da vakansiyalar mövcud olduqca, bunlar haqqında şirkətin rəsmi internet səhifəsinin ( www.socar.az ) “Karyera” bölməsində məlumatlar yerləşdirilir. Test imtahanlarında təqdim olunan test tapşırıqları vasitəsilə işə qəbulla bağlı müraciət etmiş və vakansiyanın tələblərinə uyğun olan namizədlərin nəzəri və praktik bilikləri yoxlanılmaqla yanaşı, SOCAR-ın sərbəstləşən işçilərinin peşəkarlıq səviyyələri də qiymətləndirilir.

İşə qəbul ilə bağlı test imtahanlarından uğurla keçən namizədlər vakansiyanın tələbindən asılı olaraq növbəti mərhələ olan müsahibə və ya peşə sınaq imtahanında iştirak etmək hüququ qazanırlar. Yekun mərhələdə uğur qazanan namizədlər SOCAR-da işlə təmin olunur. Müsabiqənin bütün mərhələləri üzrə məlumatlar e-mail və SMS vasitəsilə namizədlərə təqdim edilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi