Səudiyyə Ərəbistanı OPEC+ sazişindən çıxmaq niyyətində deyil

Səudiyyə Ərəbistanı OPEC+ sazişindən çıxmaq niyyətində deyil
Energetika
30 Aprel , 2019 11:25
Səudiyyə Ərəbistanı OPEC+ sazişindən çıxmaq niyyətində deyil
0 : 00
0 : 00

Səudiyyə Ərəbistanı OPEC+ sazişində qalacaq və öz neft hasilatı limitini üstələməyəcək.

“Report”un Rusiya mətbuatına istinadən verdiyi məlumata görə, belə bir bəyanatla Səudiyyə Krallığının enerji, sənaye, təbii sərvətlər naziri Xalid əl-Falih çıxış edib.

Onun sözlərinə görə, Ər-Riyad istehlakçılara güzəştə getməyə və İran neftini öz nefti ilə daha artığı ilə ödəməyə hazırdır.

“Mən bütün bu müraciətləri təmin etmək niyyətimizi təsdiqləyirəm. Biz buna getməyə hazırıq, ancaq eyni anda da OPEC+ sazişini çərçivəsində də qalacağıq və ona riayət edəcəyik. Bizim orada qeyd edilən limitləri (məhdudiyyətləri) könüllü şəkildə üstələməyə ehtiyacımız yoxdur",- əl-Falih vurğulayıb.

Qeyd edək ki, Əl-Falihin bu sözləri ABŞ Prezidenti Donald Trampın bəyanatına reaksiya olub. Bundan öncə ABŞ lideri bildirib ki, Birləşmiş Ştatlar guya OPEC ölkələri ilə “qiymətlərin aşağı salınması” ilə bağlı razılığa gəlib.

Xüsusilə də Tramp Səudiyyə Ərəbistanı ilə belə bir addımın atılmasına hazır olduqlarını qeyd edib.