Şəhid ailəsinin müraciəti tez bir zamanda həllini tapıb

Şəhid ailəsinin müraciəti tez bir zamanda həllini tapıb Şəhid ailəsinin yaşadığı ev təbii qazla təmin edilib
Energetika
144
9 Mart , 2021 15:37
Şəhid ailəsinin müraciəti tez bir zamanda həllini tapıb

Azərbaycan Dövlət Neft Şirkətinin (SOCAR) “Azəriqaz” İstehsalat Birliyi Vətən müharibəsinin iştirakçısı olan qazilərin, eləcə də torpaqlarımızın azadlığı uğrunda canından keçən şəhid ailələrinin qaz təsərrüfatına dair müraciətlərini diqqətdə saxlayır.

“Report”un “Azəriqaz”a istinadən verdiyi məlumata görə, belə müraciətlərdən biri də Siyəzən rayonunun Balaca Həmyə kəndindən ünvanlanıb.

Xüsusi Təyinatlı Qüvvələrin giziri Ağali Ağayev Vətən müharibəsində cəsarətlə döyüşüb. Vətənin hər qarış torpağını geri qaytarmaq üçün içdiyi anda sadiq qalan igid övladlarımızdan biri kimi tarix yazıb. Canından keçib, son damla qanı da uğrunda döyüşdüyü torpağa düşüb. Ağali Ağayev kəşfiyyatçı olub. Yaddaşımızda bu igid vətən övladı qorxmaz, cəsur və əsl vətənpərvərliyi ilə yaşayacaq. Vətən müharibəsi zamanı böyük şücaət göstərib, özü yaralı olsa da, neçə-neçə yaralı və şəhid hərbçilərimizi döyüş meydanından çıxarıb. Ağali dövlət başçısının sərəncamı ilə ölümündən sonra “Vətən uğrunda” və “Döyüşdə fərqlənməyə” görə medalları ilə təltif edilib.

Onun doğulub boya-başa çatdığı Siyəzən rayonunun Balaca Həmyə kəndində valideynləri Ağali üçün yeni ev də inşa etdirib. Onun ölümündən sonra ruhu şad olsun deyə, valideynləri evi boş qoymayıb, özləri burda yaşayır. Fərdi yaşayış evində təbii qazın olmaması çətinlik yaradırdı. Məhz bununla bağlı şəhid ailəsi “Azəriqaz” İB-yə müraciət edib. Bu müraciət də cavabsız qalmayıb. Qısa müddət ərzində şəhidin ailəsinin yaşadığı fərdi yaşayış evi təbii qazla təmin edilib.

Daha ətraflı video materialdan izləyə bilərsiz :

https://youtu.be/gOBQD79aCtk

Son xəbərlər

Orphus sistemi