Səfir: "Macarıstan Azərbaycandan qaz idxalında maraqlıdır"

"Macarıstan Azərbaycandan qaz idxal etməkdə maraqlıdır".

“Report” xəbər verir ki, bunu Macarıstanın Azərbaycandakı səfiri Viktor Sederkeni bildirib.

Onun fikrincə, Avropanı bürüyən qaz böhranı bu zərurəti daha da artırır.

“Biz Azərbaycandan ildə 1 milyard kubmetr qaz idxal etməkdə maraqlıyıq. Hazırda bu istiqamətdə işlər görülür” – deyən səfir 2023-cü ilədək qaz tədarükünün yoluna qoyulacağına ümidvar olduqlarını qeyd edib. Məsələ ilə bağlı SOCAR-la danışıqlar aparıldığı diqqətə çatdırılıb.