Səudiyyə Ərəbistanının milli neft şirkəti “Saudi Aramco” boru kəmərləri bölməsindəki payının satılması imkanlarını nəzərdən keçirir.
“Report” xəbər verir ki, bu barədə “Bloomberg” etibarlı mənbələrə istinadən məlumat yayıb.
Şirkətin bu payın satışından 10 mlrd. ABŞ dollarından çox vəsait əldə edəcəyi hesablanır.
Məlumata görə, “Saudi Aramco” artıq məsləhətçilərlə ilkin danışıqlar aparıb, lakin hələlik yekun qərara gəlinməyib.