“Saudi Aramco” Asiya ölkələri və ABŞ üçün qiymətləri artırır

Səudiyyə Ərəbistanının dövlət neft şirkəti “Saudi Aramco” gələn aydan Asiya ölkələrində və ABŞ-dakı müştəriləri üçün qiymətləri artırır.

“Report” xarici mətbuata istinadən xəbər verir ki, Asiyadan olan alıcılar üçün “Arab Light” markalı neftin 1 barelinin qiyməti 0,3 ABŞ dolları artırılacaq.

Son nəticədə həmin neft Oman və Dubay neftinin hər barelindən 3 dollar baha satılacaq. ABŞ üçün isə qiymət 0,1-0,2 dollar artırılacaq.

Paralel olaraq “Saudi Aramco" Şimal-Qərbi Avropa ölkələri üçün qiymətləri 0,5-0,7 dollar endirəcək.