Sabah ​Bakının bəzi rayonlarında qaz təminatında fasilə olacaq

Bakı. 13 aprel. REPORT.AZ/ Aprelin 14-də saat 10:00-dan 18:00-dək Bakı şəhəri Nərimanov, Sabunçu, Xətai və Nizami rayonlarının bəzi hissələrinin qaz təchizatında qismən məhdudiyyətlərin olması mümkündür. Bu barədə "Report"a Azərbaycan Dövlət Neft Şirkətinin (SOCAR) mətbuat xidmətindən bildirilib.

Məlumata görə, fasilələr Qaz İxrac İdarəsinin Abşeron magistral qaz kəmərləri sahəsinin “Nərimanov”, “Böyük-Şor”, “30-cu sahə”, “Qazanlar”, “Bakıxanov” və “Keşlə” qazpaylama stansiyalarında, eləcə də həmin stansiyalardan qidalanan bəzi ölçü qovşaqlarında aparacağı cari təmir işləri ilə əlaqədar olacaq.